Mhe. Kikwete aipongeza Wizara kwa kukuza Sekta ya Sanaa kwa kasi, adai ina mchango mkubwa kwenye uchumi

 




Na John Mapepele

Rais Mstaafu wa Awamu ya Nne wa Serikali ya Jamhuri ya Muungano wa Tanzania. Mhe, Dkt. Jakaya Mrisho Kikwete ameipongeza   Wizara ya Utamaduni, Sanaa na Michezo  kwa  kazi kubwa inayoifanya   ambayo imesababisha kuwa miongoni mwa sekta zinazokuwa kwa kasi na kuchangia kwa kiasi kikubwa kwenye uchumi wa Taifa kwa ujumla.



Mhe. Kikwete ameyasema haya Usiku wa kuamkia leo Novemba 6, 2022 akiwa Mgeni wa rasmi kwenye uzinduzi wa albamu ya Ommy Dimpoz iitwayo Dedication mara baada ya kukaribishwa kutoa hotuba yake na Waziri wa Utamaduni, Sanaa na Michezo, Mhe. Mohamed Mchengerwa ambaye amekuwa mgeni wa heshima kwenye uzinduzi huo.


Amefafanua kuwa katika awamu hii ya Serikali inayoongozwa na Rais Samia Suluhu Hassan tasnina ya muziki wa kizazi kipya imekua kwa kasi na kupata mafanikio makubwa ukilinganisha awamu zilizopita.   



“Kila siku nikiangalia kwenye televisheni naona wanamuziki na wasanii wapya hali ambayo inaashiria kumekuwa na ukuaji wa kasi na kusababisha ajira kwa vijana” ameongeza Mhe. Kikwete. 

Aidha, amesema changamoto iliyopo kwa sasa kwenye tasnia ya muziki ni namna gani ya kuhakikisha wanamuziki wanapata malipo kwa kazi zinazopigwa kwenye vyombo vya Habari na kusisitiza Serikali kupata ufumbuzi wa kudumu wa suala hili ili kuwasaidia wanamuziki waweze kunufaika na jasho la kazi zao.


Ametoa wito kwa Serikali kuendelea na jitihada za kuhakikisha kuwa haki za wanamuziki zinalindwa kisheria ili wanamuziki waweze kufanikiwa huku akifafanua kuwa duniani kote   wanamuziki na wasanii wanaongoza kwa kuwa na vipato vikubwa.


Amempongeza Mtendaji Mkuu mpya wa Baraza la Sanaa la Taifa (BASATA) Dkt. Kedmon Mapana kwa kuteuliwa na Mhe. Rais kushika nafasi hiyo huku akimwelezea kuwa anauwezo na mchango mkubwa kwenye sekta ya Sanaa nchini na kumtaka  kuendelea kutoa mchango  huo kwa  faida ya  taifa la Tanzania.

Kwa upande wake, Waziri wa Utamaduni Sanaa na Michezo, Mhe. Mohamed Mchengerwa wakati akimkaribisha Rais mstaafu Kikwete ili aweze kutoa hotuba  yake amesema Sekta ya Sanaa  ndiyo sekta iliyoongoza  kwa  kasi ya ukuaji na kufafanua kuwa mwaka uliopita iliongoza  kwa kukua ambapo ilikuwa kwa 19% na kwamba dhamira ya Serikali  ni kutaka sekta hiyo kuendelea  kukua kwa kasi  ili iweze  kuchangia kwenye uchumi wa nchi  na kutoa ajira za uhakika kwa  vijana.


Aidha amemshukuru Rais wa Jamhuri ya Muungano wa Tanzania, Mhe. Samia Suluhu Hassan kwa maono yake makubwa na msukumo anaoutoa kwenye sekta hizo ambao umesaidia  kuleta mafaniklio makubwa   katika  kipindi kifupi cha utawala wake, huku pia akimpongeza  Mhe. Kikwete kwa kazi aliyoifanya ya kusaidia wasanii katika awamu yake. 

“Mhe. Rais Mstaafu nina furaha ya kueleza kuwa sekta hizi ni sekta za kuleta furaha  kwa wananchi na kwa kweli changamoto kwa sasa  tunayoipata  tunaweza kusema ni suala  la kuongeza  muda wa furaha, tungependa  kuongeza muda wa furaha  hasa kwenye majiji  hapa nchini ili wananchi waendelee kufurahi” ameongeza Mhe. Mchengerwa

Comments

Post a Comment

Popular posts from this blog

ZANZIBAR YANG’ARA MBIO FUPI KWENYE TAMASHA LA MICHEZO YA WANAWAKE LA TANZANITE

Image
  Na John Mapepele, Dsm   Zanzibar imeibuka mbabe katika mashindano ya mbio fupi uwanja wa Benjamini Mkapa kwenye maadhimisho yanayoendelea ya Tamasha la Michezo ya Wanawake la Tanzanite leo Septemba 17, 2021ikiwa ni siku ya pili kabla ya kuzinduliwa rasmi kesho na Mhe. Rais Samia Suluhu Hassan   Kwa mujibu wa Mkurugenzi wa uratibu wa mbio hizo, Robert Kalyahe amesema Zanzibar imeweza kuwa bingwa kwa mbio za mita mia moja katika nafasi zote tatu ambapo amesema mshindi wa kwanza kwenye mbio hizo ni Hynes Jolini aliyetumia sekunde 11:62 akifuatiwa na Winfrida Makenji aliyetumia sekunde 11:74 na nafasi ya tatu imekwenda kwa Kazija Hassan aliyetumia sekunde12:45.   Pia Kalyahe amesema katika mbio za mita mia mbili nafasi zote tatu zimenyakuliwa na washindi kutoka Zanzibar ambapo amesema Emma Hossea amenyakua nafasi ya kwanza kwa kutumia sekunde 24:82 na nafasi ya pili imechukuliwa na Nasra Abdallah aliyetumia sekunde 25:55 wakati nafasi ya tatu imekwenda kwa Neema Ally a...
Read more

Mhe. Mchengerwa- Serikali kuwashirikisha wadau kwenye mnyororo wa thamani wa utalii

Image
  Na John Mapepele Waziri wa Maliasili na Utalii, Mhe. Mohamed Mchengerwa amesema Serikali imedhamiria kufanya kazi kwa pamoja na wadau mbalimbali wa utalii nchini kwa ajili ya kuimarisha mahusiano ya serikali na wadau (Public Private Partnership) ili kufikia kwa haraka   lengo la  kuwapata  watalii  milioni tano hatimaye  kuchangia  kwenye uchumi wa nchi. Akizungumza kwenye Tamasha la Kwanza la Biashara la Wadau wa Utalii leo, Februari 23, 2023 lililopewa  jina la “The Z sumit” ambapo Rais wa Zanzibar, Mhe. Hussein Mwinyi amekuwa Mgeni Rasmi, Mhe. Mchengerwa amesisitiza kuwa  dhamira ya serikali kwa sasa ni kuwashirikisha wadau  wote  kwenye mnyororo wa thamani wa utalii ili kutoa huduma  ya kiwango cha kimataifa kitakachowavutia watalii kuja kujionea vivutio mbalimbali vya utalii hapa nchini. Aidha, amemhakikishia Mhe. Rais Mwinyi kufanya kazi kwa karibu na Waziri anayesimamia sekta ya Utalii kwa upande wa Zanzibar katik...
Read more