Hafla ya kuiaga Serengeti Girls, Mhe. Mchengerwa atoa maagizo mazito kwa Mkurugenzi mpya wa Michezo

 

Na John Mapepele

Waziri wa Utamaduni, Sanaa na Michezo, Mhe.  Mohamed Mchengerwa leo Septemba 21, 2022 amewaongoza watanzania kuiaga timu ya Serengeti Girls  kwenda Kombe la Dunia huku akitoa maelekezo mahususi kwa Kaimu Mkurugenzi mpya wa Michezo kuhusu kuendeleza sekta hiyo.

Katika hafla ya kuiaga timu hiyo iliyofanyika jijini Dar es Salaam, Mhe. Mchengerwa amekabidhi BIMA na  vifaa mbalimbali  vya michezo ambapo pia Katibu Mkuu wa Wizara hiyo Dkt. Hassan Abbasi  na wadau mbalimbali wa michezo walishiriki.

Mhe. Mchengerwa  amemtaka Kaimu Mkurugenzi mpya, Ally  Mayay kuleta maboresho kusudiwa kwenye Sekta ya Michezo na endapo hataweza ataondolewa.

Mbali na hayo,  Mhe. Mchengerwa amempa  maelekezo  mahususi ambayo ametaka yafanyiwe kazi mara moja.

Maelekezo hayo ni pamoja na kuweka mfumo wa Kutafuta vipaji vya wachezaji Kwa kushirikiana na Baraza la Michezo la Taifa ( BMT) na  Shirikisho la Soka nchini (TFF) pia kuandaa  mifumo ya kuwasajili wanamichezo kuanzia ngazi za Umitashumta na Umiseta na kuendelea  kuwalea.

Ashirikiane na Wizara wadau  wa michezo, kama TAMISEMI, Elimu  ili kuja na mpango  wa kuifanya michezo kuwa sehemu ya masomo ya nayofundishwa mashuleni.

Maelekezo mengine nikuboresha miundombinu ya michezo ikiwa ni pamoja na kukarabati viwanja vitano vya Soka ambavyo Serikali inakusudia kufanya ukarabati  ili Tanzania iweze kufuzu  kuratibu mashindano ya AFCON mwaka 2027.


Amesema dhamira ya Serikali na ndoto za Mhe. Rais Samia Suluhu Hassan ni kuona kuwa Tanzania inaratibu mashindano hayo na hatimaye kombe la dunia.

Pia amemtaka aandae mara moja  kanzidata ya walimu na wakufunzi wa michezo

Aidha, amemtaka kushirikisha  wadau hususan  balozi ambazo zipo tayari na mipango kazi ya kusaidia kujenga miundombinu ya michezo nchini.

Kwa upande wake, Ally Mayay amemshukuru Mhe. Waziri Mchengerwa kwa kumteua na kuahidi kufanyia kazi maelekezo yote yaliyotolewa.


Comments

Post a Comment

Popular posts from this blog

ZANZIBAR YANG’ARA MBIO FUPI KWENYE TAMASHA LA MICHEZO YA WANAWAKE LA TANZANITE

Image
  Na John Mapepele, Dsm   Zanzibar imeibuka mbabe katika mashindano ya mbio fupi uwanja wa Benjamini Mkapa kwenye maadhimisho yanayoendelea ya Tamasha la Michezo ya Wanawake la Tanzanite leo Septemba 17, 2021ikiwa ni siku ya pili kabla ya kuzinduliwa rasmi kesho na Mhe. Rais Samia Suluhu Hassan   Kwa mujibu wa Mkurugenzi wa uratibu wa mbio hizo, Robert Kalyahe amesema Zanzibar imeweza kuwa bingwa kwa mbio za mita mia moja katika nafasi zote tatu ambapo amesema mshindi wa kwanza kwenye mbio hizo ni Hynes Jolini aliyetumia sekunde 11:62 akifuatiwa na Winfrida Makenji aliyetumia sekunde 11:74 na nafasi ya tatu imekwenda kwa Kazija Hassan aliyetumia sekunde12:45.   Pia Kalyahe amesema katika mbio za mita mia mbili nafasi zote tatu zimenyakuliwa na washindi kutoka Zanzibar ambapo amesema Emma Hossea amenyakua nafasi ya kwanza kwa kutumia sekunde 24:82 na nafasi ya pili imechukuliwa na Nasra Abdallah aliyetumia sekunde 25:55 wakati nafasi ya tatu imekwenda kwa Neema Ally a...
Read more

Mhe. Mchengerwa- Serikali kuwashirikisha wadau kwenye mnyororo wa thamani wa utalii

Image
  Na John Mapepele Waziri wa Maliasili na Utalii, Mhe. Mohamed Mchengerwa amesema Serikali imedhamiria kufanya kazi kwa pamoja na wadau mbalimbali wa utalii nchini kwa ajili ya kuimarisha mahusiano ya serikali na wadau (Public Private Partnership) ili kufikia kwa haraka   lengo la  kuwapata  watalii  milioni tano hatimaye  kuchangia  kwenye uchumi wa nchi. Akizungumza kwenye Tamasha la Kwanza la Biashara la Wadau wa Utalii leo, Februari 23, 2023 lililopewa  jina la “The Z sumit” ambapo Rais wa Zanzibar, Mhe. Hussein Mwinyi amekuwa Mgeni Rasmi, Mhe. Mchengerwa amesisitiza kuwa  dhamira ya serikali kwa sasa ni kuwashirikisha wadau  wote  kwenye mnyororo wa thamani wa utalii ili kutoa huduma  ya kiwango cha kimataifa kitakachowavutia watalii kuja kujionea vivutio mbalimbali vya utalii hapa nchini. Aidha, amemhakikishia Mhe. Rais Mwinyi kufanya kazi kwa karibu na Waziri anayesimamia sekta ya Utalii kwa upande wa Zanzibar katik...
Read more